Eth Burèu Antifrauda actue d’aufici, a iniciativa pròpria o per denóncia, o en virtut d’ua sollicitud rasonada d’ua institucion o autoritat publica. Dempús de comprovar era veracitat des hèts, pòt amiar, entre d’autes, es actuacions que seguissen:
- Hèr visites d’inspeccion, sense avertiment prealable, a quinsevolh burèu o centre adscrit a un servici public entà hèr comprovacions in situ e examinar documents, sigue quin sigue eth sòn supòrt.
- Amiar entrevistes personaus a toti es que poguen aportar informacion relevanta entara recèrca o a aqueres persones que, en desvolopament des actuacions en cors, poguen èstar implicades de manèra individuau en hèts que son objècte de recèrca.
- Accedir a quinsevolh informacion que sigue en poder des organs, es organismes publics o es persones fisiques o juridiques, publiques o privades afectades pera actuacion de recèrca.
Es actuacions de recèrca se regissen pes critèries de celeritat, economia, simplicitat, eficacitat e discrecion maximau.
