Guides

Jos aguesta denominacion eth Burèu Antifrauda balhe ressorses qu'an per objectiu èster aplicades en entoratge professionau o organizatiu tàs quaus son destinades. Se pòden presentar jos diferenti formats: guides, listes de comprovacion, infografies, casi resolvudi, eca., mès tostemp damb era pretension darrèra dera aplicabilitat.


Guia entara gestion des conflictes d'interès

Guia entara gestion des conflictes d'interès

Aguesta guida presente ua seguida d’estruments entà gerir es conflictes d’interès, classificades en tres grani grops segons l’objectiu que perseguissen laguens eth paradigma dera prevencion de risqui: estruments de deteccion de conflictes d’interès, estruments de gestion e estruments entà garantir l’eficacitat des anteriores. Era fin de gerir es conflictes d'interès ei evitar quinsevolhe biaix ena decision publica que prene un servidor public, provocat pr'amor qu'eth jutjament professionau s'age vist afectat per un conflicte entre eth interès particular e eth déuer public.



Guia entara integritat ena contractacion publica

Guia entara integritat ena contractacion publica

Era fin de gerir es risqui entara integritat ena contractacion publica d’ua institucion ei garantir qu'es recorsi e era capacitat de decision s’empleguen entath «compliment e realizacion des fins institucionaus», en tot priorizar l’interès public sus es interèssi privadi. Aguesta guida preten facilitar as institucions publiques l’analisi des pròpris risqui, atau coma es estruments e recorsi de besonh entà amiar a tèrme un prètzhèt preventiu en aguest encastre concrèt dera gestion publica.


Guia entà enfortir eth sistèma d’integritat institucionau

Guia entà enfortir eth sistèma d’integritat institucionau (en catalan)

Era integritat d’ua entitat publica ei eth resultat de l’accion jornalièra de totes e cadua des persones que trabalhen laguens o entad aquera organizacion: dempús dera persona que n’exercís era maximala representacion (conselhèr, baile, president, director, eca.), enquia quina enterpresa privada que sigue qu'aufrisque un servici public per ten compde d’aquera organizacion, en tot passar per quinsevolhe des trabalhadors.


Elaborar un codi de conducta. Orientacions per a Institucions Públiques

Elaborar un còdi de conducta. Orientacions entà Institucions Publiques (en catalan)

Era cultura etica organitzativa ei, amassa damb era professionalitat ena gestion publica e era gestion des risqui de corrupcion, ua des tres linhes estrategiques deth sistèma d’integritat institucionau d’Antifrauda. Es còdis de conducta pòden èster un estrument preciós entà alinhar es accions de quina organizacion que sigue e era des persones que i trabalhen damb es principis, valors e nòrmes que les son aplicables.


Identificar i gestionars els riscos de corrupció

Identificar e gerir es risqui de corrupcion. Orientacions entà directius publics (en catalan)

Aguesta publicacion preten alertar es organismes publics de l’existéncia de risqui de corrupcion e dera aguda de besonh d’identificar-les e gerir-les adequadaments, de forma integrada e sistematica, en marc des quites sistèmes de cada organisme. Quin directiu que sigue ei responsable tanben des conductes inapropiades que poguen produsir-se enes servicis ath sòn cargue.


Recomanacions as partits politics

Recomanacions as partits politics (en catalan)

Antifrau reclame as partits politics, en un document d'ueit pagines enviades a totes es formacions que se presentèren as eleccions deth 21 de deseme de 2017, era incorporacion enes sòns programes de mesures concrètes entà gerir es conflictes d’interès coma ua des principaus hònts de risc de corrupcion e modificar era regulacion actuau deth regim de declaracions d’interèssi.