Autoritats e trabalhadors publics, coma ciutadans, auem interèssi particulars legitims. Ei inevitable qu’en bèth moment dera nòsta carrèra professionau mos trobem en bèra situacion a on bèth un d’aqueri interèssi posque entrar en conflicte damb eth nòste déuer public, de manèra qu’eth nòste judici professionau se poirie arribar a veir influenciat reauments, potenciauments o aparentaments per aqueth interès. Trobar-mos en ua situacion de risc coma aguesta non ei cap un problèma. Eth problèma ei non reconèisher que ja mos i trobam e non gerir-la adequadament entà evitar quauque biais ena decision publica que prengam en nom dera ciutadania.
Eth Burèu Antifrauda de Catalonha a publicat eth repòrt «La gestió dels conflictes d’interès en el sector públic de Catalunya». Eth coordinador deth repòrt e director de Prevencion d’Antifrauda, Òscar Roca, na parle en article «Conflictes d’interès: una amenaça a la imparcialitat».
Eth Burèu Antifrauda tanben a organizat seminaris e a elaborat diuèrsi materiaus sus conflictes d’interès entà ajudar-vos en aguesta identificacion e gestion des conflictes d’interès.
Jornada sus conflictes d’interès. Parlament de Catalonha, 24 de hereuèr de 2017
