Boèta de denóncies anonimes
Era boèta de denóncies anonimes garantís en tot moment era confidencialitat des comunicacions e er anonimat deth denonciant.
Auetz dues opcions entà hèr era denóncia de manèra anonima per mejan d’aguest canau:
-
Emplegant eth nòste navegador. En aguesc cas demore traça dera adrèça IP d’a on se hè era comunicacion.
-
Emplegant un hilat d’anonimizacion, que garantís pleament er anonimat dera comunicacion en entorn digitau (tanben dera adrèça IP, que pòt indentificar qui navègue per internet). Er utís mès emplegat ei eth hilat TOR. Coma tot aute navegador, entà emplegar er utís TOR, cau baishar eth navegador a partir dera pagina de descarga. En aguest ligam podetz veir un vidèo tutoriau sus com descargar TOR.
Era analisi des airines emplegades aconselhe facilitar aguesta opcion d’anonimat entà preservar era integritat de qui comunique, soent en situacion de vulnerabilitat.
Er hilat TOR ei basicament un programari gratuït e de còdi dubèrt que permet de milhorar era privacitat e seguretat en internet. Quan vos connectatz en internet damb TOR, era connexion passe per ua seguida de tunèls chifrats, en lòc de hèr-se directament, e aquerò dificulte seguir era traça dera hònt dera informacion. Atau, era identitat dera persona que se connècte ei protegida.
Er emplec der hilat TOR entà accedir ara boèta de denóncies anonimes ei aconselhable o indispensable quan s’a era conviccion o era certitud de risc, pr’amor que garantís er anonimat dera persona en moment dera recepcion dera comunicacion. Totun, cau rebrembar que qui comunique tanben a de preservar er anonimat en moment dera emission.
Se rebrembe que, en generau, es servidors publics que trabalhen damb hilats institucionaus non an accès ad aguesta pagina de descarga des sòns pòstes de trabalh estant. Entà emplegar eth navegador TOR, cau que l’installen deth sòn dispositiu personau estant.
Se recomane barrar era rèsta de navegadors e aplicacions mentre s’emplegue TOR.
