Actuacion

Supausats a on non pòt cap actuar eth Burèu Antifrauda

• Er airau d’actuacion deth Burèu Antifrauda de Catalonha ei eth sector public de Catalonha. Eth Burèu Antifrauda non a atribuïdes competéncies dehòra der airau territoriau de Catalonha.
• Non ei competent entà intervier en casi de frauda tributària o mercantila, enes relacions societàries, que se dan entre enterpreses e particulars, on en ahèrs de naturalesa privada que deriven deth comèrç e deth consum.
• Non pòt realizar foncions que corresponguen ara autoritat judiciau ne ath Ministèri Fiscau ne ara policia judiciau, ne pòt amiar actuacions de recèrca sus hèts que’n siguen ja objècte.

Informacion ara persona denonciada

• Informacion ara persona denonciada: s’eth Burèu Antifrauda determine era possibilitat d’implicacion individuau en un hèt qu’ei objècte de recèrca d’ua persona qu’aucupe un naut cargue o ei foncionària, dirigenta, membre o trabalhadora d’ua institucion o d’un organ, aguesta persona a d’èster informada immediatament. Eth Burèu Antifrau non pòt eméter conclusions ne hèr referéncies nominaus enes sòns informes s’era persona concernida non a auut era possibilitat prealabla de conèisher es hèts, de manèra que ar emsem deishar constància deth sòn vejaire.
• Informacion ara institucion: s’ua recèrca tanh personaument a un naut cargue, foncionari, dirigent o trabalhaodr, eth Burèu Antifrauda n’informe ath responsable dera institucion, der organ o dera entitat de qui depen o a on balhe servici.

En quini sectors pòt actuar?

Eth Burèu Antifrauda pòt actuar enes airaus que seguissen:

Eth sector public de Catalonha:

• Era Administracion der Generalitat, es sòns organismes, entitats restacades e enterpreses publiques que’n depenen.
• Es entitats locaus: ajuntaments, deputacions provinciaus, conselhs comarcaus, entitats metropolitantes, mancomunitats de municipis, consòrcis e rèsta d’entitats e organismes publiques que’n depenen.
• Eth Parlament de Catalonha en çò qu’ei dera sua activitat administrativa e dera gestion patrimoniau.
• Es entitats estatutàries e es autoritats independentes.
• Es universitats publiques es es sues entitas instrumentaus.
• Es enterpreses publiques.
• Es consòrcis.
• Es fondacions, publiques o privades, a on participen organismes publics.
• D’autes entitats instrumentaus, de dret public o privat, restacades as administracions catalanes que’n depenen.

Es enterpreses e entitats privades e es persones fisiques que gerissen servicis publics, executen òbres publiques o receben subvencions.