Eth Burèu Antifrauda de Catalonha neishec coma institucion especificament dirigida a preservar era transparéncia e era integritat des administracions e deth personau ath servici deth sector public en Catalonha.
Per transparéncia prenem ua manèra d’exercir eth podèr que resulte vededer entàs ciutadans perqué an accès as informacions qu’es podèrs publics tracten o genèren en sòn exercici.
Era exigéncia de transparéncia non aubedís a ua mòda passatgèra ne pòt depéner dera volontat mès o mens aperturista qu’a eth qui govèrne.
Sonqu’es persones informades seràn en condicions de participar damb maduresa en debat public e d’exercir un contraròtle saludable der exercici deth podèr. Ei en jòc era hidança dera ciutadania enes institucions e era credibilitat madeisha dera democràcia.
Ei damb aguest vejaire que d’Antifrauda estant volem contribuïr, damb aguesta hièstra dubèrta ena nòsta wèb corporativa, ara difusion deth coneishement sus aguest instrument de qualitat democratica.
Dret d’accès ara informacion publica e transparéncia. Informe deth Burèu Antifrau de Catalonha. 2ª edicion, en deseme 2014 (version en catalan).
