Eth director
Miguel Ángel Gimeno Jubero

Neishut en Binèfar, ei licenciat en Dret pera Universitat de Barcelona (UB) eth 1975, damb un Postgrau en Dret Civil Catalan dera Universitat Dubèrta de Catalonha (UOC) eth 2001

Era sua trajectòria professionau l’a amiat integrauments en Catalonha. Exercic era avocacia de 1976 a 1980. Entrèc ena carrèra judiciau per acòrd deth Conselh Generau deth Podèr Judiciau (CGPJ) en deseme de 1982 e siguec nomentat jutge d’ingrès en hereuèr de 1983. Ascendic a magistrat eth 1987.

A exercit de jutge en El Prat de Llobregat (1983-84), en Badalona (1984-85), damb foncions de degan, e en L’Hospitalet de Llobregat (1985-87). De magistrat exercic en Jutjat de Prumèra Instància e Instruccion num. 3 de L’Hospitalet de Llobregat (1987-89), en Jutjat d’Instruccion num. 22 de Barcelona (1989-91), en Jutjat Penau num. 4 de Barcelona (1991-93), ena seccion 10au dera Audiéncia Provinciau de Barcelona (1993-2000) e coma president dera Seccion 6au dera Audiéncia Provinciau de Barcelona (2000-2010).

Siguec president deth Tribunau Superior de Justícia de Catalonha (TSJC) de 2010 a 2015, dempús exercic de magistrat dera Sala Civiu e Penau deth TSJC enquiath nomentament coma director deth Burèu Antifrauda de Catalonha (BAC). De 2004 a 2007 siguec membre deth Conselh Rector dera Escòla Judiciau e eth 2006 siguec nomentat membre dera Comission pedagogica de formacion iniciau dera Escòla Judiciau.

De un aute costat, a compatibilizat era carrèra judiciau damb era docéncia en lòcs coma era Escòla de Policia de Catalonha (1991), ena Universitat Autonòma (1992-94), coma professor associat de dret penau, ena UB (2000-08) e en Illustre Collègi d’Avocats de Barcelona (2005-09), coma professor de diuèrses mestries en encastre deth Dret Penau.

93 554 55 55
director@antifrau.cat

Directora adjunta
Olinda Anía Lafuente

Neishuda a Manlhèu, licenciada eth Dret pera Universitat de Barcelona eth 1985, damb un Mastèr en Relacions Laboraus pera Universitat Politecnica de Catalonha (1993) e expèrta en Etica e Administracion e eth Sector Public e Contraròtle, pera Universitat de Barcelona (2016-2018).

Era sua trajectòria professionau l’a amiat a tèrme principauments a l’Administracion dera Generalitat de Catalonha. Er an 1984 s'incorporèc ath Departament de Trabalh dera Generalitat de Catalonha coma tecniciana en gestion pressupostària e de 1985 a 1990 trabalhe en un bufet professionau coma avocada, enes encastres de dret civiu e mercantil. Era 1990 s’incorporèc a l’Institut Catalan dera Salut coma tecniciana superiora. Eth 1991 passèc a prestar servicis a l’Institut Catalan dera Hemna coma responsabla economica administrativa.

A compdar de 1992 desvolòpe pendent vint-e-un ans era sua activitat professionau en diferenti organismes deth Departament de Salut, prumèr ath Servici Catalan dera Salut, ath pròpri Departament de Salut e a l’Institut d’Estudis dera Salut, organisme autonòm que ne nesiguec sosdirectritz es ans 2008 a 2013.

L’an 2014 s'incorporèc ara Secretaria d’Administracion e Foncion Publica deth Departament de Governacion, Administracions Publiques e Abitatge, coma expèrta en politiques de modernizacion e reforma dera Administracion, a on desvolopèc foncions de planificacion, prepausa, coordinacion de projèctes restacadi damb era governança e transformacion dera Administracion dera Generalitat de Catalonha e d’analisi d’experiéncies comparades, es tèmes restacadi damb era transparéncia, integritat publica, direccion publica professionau, sector public e collaboracion publicoprivada enquia 2020.

Deth 2020 ath 2023 a aucupat cargues restacadi damb era integritat publica, eth bon govèrn, era prevencion e seguiment as males practiques, es conflictes d’interès e incompatibilitats, es protocòus de sètge e era qualitat des servicis publics. Eth darrèr cargue que a aucupat ei de cap de l’Airau de Bon Govèrn (en noveme de 2023 enquia era actualitat), dera Direccion Generau de Bon Govèrn, Innovacion e Qualitat Democratica ath Departament dera Presidéncia. Anterioraments siguec sosdirectritz de Transparéncia e Grops d’Interès (2022), sosdirectritz de Transparéncia e Donades Dubèrtes (2021), responsabla de Politica d’Integritat e Bon Govèrn (2020) adscrita ara Secretaria de Transparéncia e Govèrn Daurit deth Departament d’Accion Exteriora e Transparéncia.

93 554 55 55
direccioadjunta@antifrau.cat

Sara Vidal Casellas,
responsabla de Gabinet de Direccion

De 2013 enquia entrar en Burèu Antifrauda de Catalonha siguec assessora deth conselhèr de Justícia dera Generalitat de Catalonha, en matèria de relacions e supòrt judiciau, adscrita ara presidéncia deth Tribunau Superior de Justícia de Catalonha.

Eth 2011 siguec assessora dera Delegacion deth Govèrn en Catalonha, adscrita ara Sosdelegacion de Barcelona e, pendent uns mesi, aconselhèc ara Delegada deth Govèrn.

Der an 2006 enquia darrèrs de 2010 siguec cap deth Gabinet dera conselhèra d’Interior e Justícia dera Generalitat de Catalonha.

De 2004 a 2006 trabalhèc d’assessora deth Secretari de Telecomunicacions e Societat dera Informacion dera Generalitat de Catalonha.

Abans auie trabalhat ena Federacion de Municipis de Catalonha a on desvolopèc diuèrses foncions. A compdar de 1996, siguec era cap der Airau de formacion (adreçat as tecnicians locaus) d’aquera entitat.

Hè supòrt ath director e ei responsabla dera auditoria intèrna, coordine era elaboracion dera memòria annau e velhe peth compliment des normes sus proteccion de dades.

93 554 55 55
gabinet@antifrau.cat

Lourdes Parramon i Bregolat,
cap der Airau de Relacions Institucionaus, Visibilitat e Participacion

Ei licenciada en Dret pera Universitat de Barcelona e postgrad en Mediacion. Coma avocada e mejancèra a exercit pendent mès de dètz ans en collaboracion damb diuèrsi burèus professionaus e centres de mediacion. A estat membre de diuèrses comissions der Illustre Collègi d’Avocats de Barcelona e dera Associacion de hemnes juristes.

Dirigic eth Programa entara creacion d’un Burèu de luta contra era frauda, despús es departaments dera Presidéncia e de Governacion e Administracions Publiques damb es foncions, entre d’autes, d’alestir era prepausa de regulacion legau deth Burèu Antifrauda e era planificacion, gestion e coordinacion des accions de besonh entara sua metuda en marcha e era sua aplicacion efectiva.

A impartit formacion sus eth contraròtle dera corrupcion enes universitats, escòles de negòci, associacions empresariaus, collègis professionaus e conselhs comarcaus, entre d’auti. Tanben a collaborat coma assessora en projèctes diuèrsi damb organizacions de referéncia, coma Transparéncia Internacionau, o damb eth Hilat deth Pacte Mondiau.

Ei era responsabla des politiques de comunicacion extèrna, projeccion e visibilitat, de promòir e gerir es relacions institucionaus deth Burèu e de veïcular era participacion ciutadana.

93 554 55 55
relacionsinstitucionals@antifrau.cat

Àngel Egea Llanés,
cap der Airau d'Administracion, Recorsi Umans e Budget

Ei foncionari des còrsi d’Avocacia, Superior e Administratiu dera Generalitat de Catalonha.

A desvolopat era sua carrèra professionau ena Generalitat de Catalonha despús 1986. Despús 1994 a estat letrat deth Gabinet Juridic dera Generalitat, e entrèc en còrs d’Avocacia dera Generalitat er an 2003, d’a on a exercit era representacion e defensa juridica dera Generalitat deuant de toti es organs judiciaus des diferentes jurisdiccions.

A estat director de Servicis deth Departament d’Agricultura, Ramaderia, Pesca, Alimentacion e Miei naturau de 2012 enquia 2015 e avocat en Cap dera Assessoria Juridica deth Departament de Justícia dera Generalitat de Catalonha de 2004 enquia 2011. Tanben, a aucupat era responsabilitat de grop enes matèries Tributària (2003-2004) e de Govèrn (2011-2012) dera Direccion Generau d’Ahèrs Contenciosi deth Gabinet Juridic dera Generalitat.

Ei professor de Dret Administratiu ena EAPC e a estat professor dera Mestria d’Avocacia e deth Programa de postgrad en Apregondiment en Dret Public dera Universitat Pompeu Fabra-IEC-Barcelona School of Management. Tanben, a participat en nombroses ponéncies e seminaris e a amiat publicacions de naturalesa juridica.

Gerís es recorsi umans e materiaus deth Burèu.

93 554 55 55
administracio@antifrau.cat

Òscar Roca Safont,
director de Prevencion

Licenciat en Dret pera Universitat de Barcelona en 1989, a desvolopat era sua vida professionau en sector public; tant en encastre dera justícia coma en dera Administracion publica autonomica.

Ei membre deth còrs d’avocacia dera Generalitat de Catalonha e tanben aparten ath còrs dera policia dera Generalitat-Mossos d’Esquadra, coma assessor juridic. Exercic coma fiscau entre es ans 1996 e 2002. De 2009 enquia 2016 siguec cap d'Airau de Legislacion e Ahèrs Juridics deth Burèu Antifrauda.

A collaborat, en qualitat d’expèrt, en diuèrsi projèctes nacionaus, europèus e internacionaus restacadi damb era bona gestion. A desvolopat era docéncia universitària e a amiat publicacions de naturalesa juridica.

93 554 55 55
prevencio@antifrau.cat

Jordi Tres Viladomat,
cap der Airau de Formacion

Ei licenciat en Sciéncia Politica e dera Administracion pera Universitat Autonòma de Barcelona.

A desvolopat era sua carrèra professionau coma formador, dessenhaire formatiu e director de projèctes formatius en diferentes organizacions deth sector privat e actuant coma assessor en projèctes de formacion e desvolopament en organizacions deth sector public en Catalonha.

De darrèrs de 2009 enquia aué a dirigit er Airau de Formacion laguens dera Direccion de Prevencion deth Burèu Antifrauda en tot promòir projèctes de sensibilizacion e formacion en ahèrs d’integritat publica trabalhant de manèra coordinada damb diferentes institucions publiques de Catalonha, en encastres locaus, dera administracion dera Generalitat e des universitats publiques.

93 554 55 55
prevencio@antifrau.cat

Rosa Maria Pérez,
cap der Airau de Legislacion e Ahèrs Juridics

Licenciada en Dret pera Universitat de Barcelona er an 1991, mestria en Estudis Internacionaus ena Universitat de Barcelona (1995) e mestria en Dret Public e Organizacion Administrativa ena Universitat Pompeu Fabra (1998).

A desvolopat era sua vida professionau en sector public, prumèr coma foncionària deth còrs superior d'administracion dera Generalitat de Catalonha, dempús coma foncionària deth Còrs d’Avocacia dera Generalitat.

A desvolopat era docéncia coma professora associada dera Universitat Pompeu Fabra (Airau de Dret Administratiu) e tanben coma formadora intèrna ena Escòla d'Administracion Publica de Catalonha.

93 554 55 55
prevencio@antifrau.cat

Manel Díaz Espiñeira,
Direccion d'Analisi e Recèrques

Licenciat en dret pera Universitat de Barcelona (UB) eth 1986, mestria en Dret deth Trabalh e Seguretat Sociau pera UB, diplomat en foncion directiva pera Escòla d’Administracion Publica/ESADE. Ei membre deth còrs superior d’administracion dera Generalitat de Catalonha.

Despús 1987, an dera sua incorporacion ara Administracion dera Generalitat, e enquia 2001, exercic era sua carrèra professionau en encastres restacadi damb es recorsi umans e era assessoracion juridica.

Eth 2001 entrèc ena Secretaria Tecnica deth Conselh Consultatiu de Contractacion Administrativa a on a estat responsable d’Estudis e Documentacion, e cap der Airau de Classament Empresariau e Registres, enquia 2009.

A estat sosdirector generau de Subministraments e Servicis dera Direccion Generau der Auviatge dera Generalitat, vice-president dera Comission Centrau de Subministraments e vocau deth Conselh Consultatiu de Contractacion Administrativa (2009 – 2017).

Ei professor de contractacion publica ena Escòla d’Administracion Publica de Catalonha. A participat coma ponent en diferentes jornades e seminaris restacadi damb era crompa publica.

93 554 55 55
analisis@antifrau.cat

Bruno González Valdelièvre,
cap der Airau d’Analisi Particularizada dera Despena Publica

Ei licenciat en Dret pera Universitat de Barcelona. Passèc tanben dus corsi d'Engenharia de Telecomunicacions ena Universitat Politecnica de Barcelona.

Comencèc era sua carrèra professionau en tot exercir era avocacia, en encastre deth Dret public e, mès concrètaments, deth Dret administratiu e constitucionau, en un burèu multidisciplinari d'encastre internacionau.

Posterioraments, s'incorporèc ath sector public locau, a on, dempús d'uns prumèrs ans especializat ena contractacion publica, siguec Secretari Generau des ajuntaments de Molins de Rei e d’Esparreguera. Ei foncionari d'administracion locau damb abilitacion de caractèr estatau.

Eth 2010 s'incorporèc ath Burèu Antifrauda de Catalonha a on a aucupat eth lòc de cap d'airau ena Direccion d'Analisi. Despús 2012 a participat, en representacion deth Burèu, en projèctes europèus de formacion entà analistes e d'escambi de bones practiques ena luta contra era corrupcion.

93 554 55 55
analisis@antifrau.cat

Mariano Pérez Fraile,
cap der Airau d'Entitats Locaus

Licenciat en Dret pera Universitat Autonòma de Madrid. Doctorant en Departament de Dret Administratiu e Processau dera Universitat de Barcelona e expèrt universitari en Dret urbanistic pera Universitat Nacionau d'Educacion a Distància. Comencèc era sua carrèra professionau en sector financèr, e posterioraments exercic era avocacia.

A agut, tot parièr, ua ampla experiéncia ena Administracion de Justícia, a on a exercit foncions jurisdiccionaus, fiscaus e de secretariat en encastre deth Tribunau Superior de Justícia de Catalonha. A estat professor de dret penau e processau penau dera Escòla de Policia de Catalonha.

Posterioraments, s'incorporèc ath sector public locau, coma foncionari de carrèra (letrat) dera Administracion locau. En aguest sector a exercit foncions tecniques superiores e directives, particularaments enes encastres dera economia, era organizacion, es recorsi umans e er assessorament e era defensa juridica. Ei foncionari de carrèra dera categoria de facultatiu, licenciat eth Dret, dera escala de supòrt deth Còrs de Mossos d'esquadra dera Generalitat de Catalonha.

93 554 55 55
investigacions@antifrau.cat

Roger Folguera Fondevila,
cap der Airau Generalitat e Parlament

Auditor de carrèra deth Còrs d’Auditors dera Sindicatura de Compdes en situacion de servicis especiaus en Burèu Antifrauda de Catalonha, a on aucupe, despús seteme de 2010, eth lòc de cap der Airau Generalitat e Parlament dera Direccion de Recèrques.

Ei licenciat ena Administracion e Direccion d’Enterpreses. Tanben ei licenciat en Dret e Censor Jurat de Compdes. A dedicat 16 ans d’activitat professionau ar encastre deth contraròtle financèr e de legalitat, des quaus es darrèri 11 en relacion damb eth contraròtle extèrn deth Sector Public de Catalonha.

93 554 55 55
investigacions@antifrau.cat

Josep Maria Agulló,
cap der Airau de Prospecció Factual e Avaloracion Preliminar

Ei Licenciat eth Dret pera Universitat de Barcelona.

Dempús de l’an 1992 ei foncionari de carrèra deth Còrs Tecnic de l’Agéncia Estatau de l’Administracion Tributària, a on desvolopèc prètzhèts en diferenti Airaus d’Inspeccion ena Delegacion Especiau de Catalonha.

L’an 2010 entrèc ath Burèu Antifrauda en situacion de servicis especiaus coma tecnician dera Direccion d’Analisi e dempús de l’an 2021 aucupe eth lòc de cap de l’Airau de Prospecció factual e avaloracion preliminar dera Despensa Publica.

A desvolopat docéncia en l’encastre privat e coma formador intèrne en l’Institut d’Estudis Fiscaus.

93 554 55 55
analisis@antifrau.cat