Era formacion ei un des pilars estrategics dera direccions de Prevencion d’Antifrauda ena sua mission de contribuïr entà qu’es institucions publiques siguen mès resistentes as risqui de corrupcion.
Formar en integritat ei clau en procès de sensibilizacion des institucions e contribuís de manèra significativa a iniciar es cambis ena cultura etica organizativa. Era experiéncia mos demòstre qu’era fomacion actue coma un detonant, coma ua prumèra possada que, entà transcendir tara cultura dera organizacion, requerís continuïtat damb ulteriores actuacions que, de manèra coerenta, seguissen eth procès de sensibilizacion.
Era formacion s’oriente tanben tar aqueriment de coneishement especializat en airau dera prevencion e luta contra era corrupcion, e tanben tath desvolopament e potenciacion de determinades abilitats des sòns destinataris.
Eth Burèu garantís era qualitat dera formacion damb critèris pedagogics, ja sigue contrarotlant eth procès deth dessenh formatiu, validant-ne era metodologia o somant esfòrci damb institucions collaboradores.
Era participacion en màsters o en jornades d’aitau professionau ei ua mòstra dera nòsta implicacion activa en programes de formacion possadi per institucions o organizacions damb es quaus partatjam tòques e sinergies en çò que tanh a tèmes objècte de trabalh deth Burèu.
Mos adreçam principaument a servidors publics, damb especiau atencion a elegits, directius, comandaments e tecnics qu’agen responsabilitats en airaus clau entà trabalhar en refortiment dera integritat des institucions publiques a on desvolopen eth sòn prètzhèt professionau. Tanben a d’auti collectius que, pes sues caracteristiques, siguen public objectiu coma era societat organizada, es joeni o es partits politics.
Damb accions formatives en formats d’artenhuda larga volem arribar a aqueri collectius entà partatjar punts de partida generaus sus eth refortiment dera integritat des institucions e mès especifics sus era gestion des risqui de corrupcion.
8416
Participants
402
Accions formativas
1688
Oras lectives
-
Nivèl satisfaccion
Accions formatives organizades dirèctaments damb era institucion interessada, mejançant eth dessenh de programes ad hoc o programes “a mesura”, damb sessions de formacion que permeten sensibilizar es servidors publics de l’administracion locau, ja siguen cargues elegidi o directius e comandaments.
Accions formatives organizades de manèra “dubèrta”, ei a díder aqueres sessions includides en marc des plans de formacion annau des institucions qu'an manada era foncion d’actualizacion e formacion des servidors publics de Catalonha, e aqueres qu'ac hèn en un encastre supramunicipau.
Accions formatives organizades dirèctaments damb era institucion interessada, mejançant eth dessenh de programes ad hoc o programes “a mesura”, damb sessions de formacion que permeten sensibilizar es servidors publics de l’administracion dera Generalitat.
Es sessions damb era Escòla d’Administracion Publica de Catalonha s'organizèren de manèra dubèrta per servidors publics dera Generalitat enquia seteme de 2013. Dempús de semes, es accions formatives realizades a era Escòla d’Administracion Publica de Catalonha s’organizen amassa per servidors publics dera Administracion Locau e dera Generalitat (veir donades en Administracion Locau e dera Generalitat).
Accions formatives organizades per era Escòla d’Administracion Publica de Catalonha a on es destinataris son tant es servidors publics dera Administracion locau coma dera Administracion dera Generalitat.
Accions formatives dirigides a diuèrsi collectius dera universitat: escolanes de mastèrs, directius e comandaments e personau d’Administracion e Servicis des Universitats.
Accions formatives organizades dirèctaments damb era universitat interessada, mejançant eth dessenh de programes ad hoc o programes “a mesura”, damb sessions adreçades a escolanes de mastèrs o diplomatures.
Accions formatives organizades de manèra “dubèrta”, ei a díder aqueres sessions includides en marc des plans de formacion annau des universitats qu'an manada era foncion d’actualizacion e formacion deth pròpri personau.
Jornades organizades per eth Burèu Antifrauda de Catalonha damb collaboracion damb autes institucions coma eth Parlament de Catalonha, eth Consòrci Universitat Internacionau Menéndez Pelayo de Barcelona, era Universitat Pompeu Fabra o era Universitat de Barcelona.
