(Article 5)
Era Lei 2/2023 introdusís eth concèpte de Sistèma intèrne d’informacion, que non ère includit ara Directiva que transposa, e que hè referéncia a aspèctes o elements de natura diuèrsa: organitzativa, juridica e tecnologica.
Eth Sistèma intèrne d’informacion se configure a compdar dera descripcion que ne hè l’article 5.2 dera Lei estatau, que includís: eth responsable deth sistèma, ahèrs relatius ath procediment, ua politica o estrategia que enunciï es principis generaus en matèria de Sistèma intèrne d’informacion e defensa de l’en tot informar, e l’establiment de gatges entad emparament des informants en l’encastre de l’entitat o organisme.
