(Article 11)
Eth caractèr obligatòri de disposar d’un Sistèma intèrne d’informacion ei atribuïda as persones fisiques o juridiques deth sector privat qu'agen contractadi cinquanta o mès trabalhadors. Un grop d’emprenuda ei ua unitat d’accion economica que s’organize en diuèrses societats mercantiles damb ua direccion comuna mès que, coma tau, non a personalitat juridica e, donques, ath delà deth que preven es nòrmes, non pòt èster subjècte de drets e obligacions. Donques, aguest còmput as efèctes de disposar d’un Sistèma intèrne d’informacion s’licalerà hèr per cadua des persones juridiques que conformen eth grop.
En cas que, en un grop d’emprenuda, bères ues agen l’obligacion de disposar de sistèmes intèrnes d’informacion e d’aute non, calerà tier en compde que l’art. 11 dera Lei establís que calerà aprovar ua politica generau relativa ath Sistèma intèrne d’informacion e que calerà assegurar que s’aplique a totes es entitats que l’intègren, sens perjudici de l’autonomia e independéncia de cadua d’eres, e des modificacions o adaptacions de besonh entath compliment dera nòrma aplicabla en cada cas.
