Ena sua mission d’ajudar ena construccion, consolidacion e amelhorament des sistèmes d’integritat institucionau, eth Burèu Antifrauda, per mejan dera direccion de Prevencion, da assisténcia e supòrt as administracions e d’autes entitats que configuren eth sector public de Catalonha, entre d’autes manères, estudiant, promoiguent e refortint bones practiques que contribuïsquen ar amelhorament dera qualitat en servici public. Tanben collabòre ena formacion e assessoracion deth personau ath servici des administracions, elabòre airines e ressorses e formule propòstes e recomanacions d’acòrd damb es risqui detectadi e a partir deth seguiment dera activitat deth Burèu madeish.
Era societat, comprenuda en un sens ample qu’inclò deth sector privat, era societat civila e es individús, tanben ei destinatària dera accion preventiva deth Burèu per mejan dera sensibilizacion e promocion dera sua implicacion non sonqu’en sòn ròtle tradicionau de «survelhants» mès, fonamentaument, encoratjant ad aqueri actors non institucionaus a actuar de manèra intègra.
Eth director de Prevencion ei Òscar Roca
