Er article 6.1 dera Convencion des Nacions Unides contra era corrupcion establís que “cada Estat part, en conformitat damb es principis fonamentaus deth sòn ordenament juridic, a de garantir era existéncia d’un organt o organs, segon que sigue procedent, encargadi de previer era corrupcion [...] qu’es estats an de dotar dera independéncia de besonh. Ath madeish temps, era article 36 deth madeish instrument establís, damb eth títol “Autoritats especializades”, que “cada Estat part [...] s’a d’assegurar de que dispause d’un o mès organs o persones especializadi ena luta contra era corrupcion per mejan dera aplicacion coercitiva dera lei”.
Era Convencion des Nacions Unides contra era corrupcion non ei eth solet utís qu’a veilat entà que i age organismes de luta contra era corrupcion e entà qu’agen era independéncia qu’ei de besonh (coma era Convencion penau sus era corrupcion deth Conselh d’Euròpa).
Per tant, en compliment des obligacions internacionaus subscrites, era existéncia tand d’organismes de prevencion coma de luta contra era corrupcion (o ibrids) a estat adoptada pes legisladors en Euròpa e per tot eth mon.
Es modèls institucionalizats en airau europeù se poirien classificar en tres grops:
- Agéncies multidisciplinàries (multi-purpose agencies)
- Institucions d’aplicacion dera lei (law enforcement type institutions)
- Institucions preventives, de desvolopament de politiques anticorrupcion e d’organismes de coordinacion (preventive, policy development and co-ordination institutions)
En aguest apartat referiram diuèrses agéncies anticorrupcion d’airau europèu e internacionau, a mès des diuèrsi hilats internacionaus e europèus de qué se son dotades aqueres agéncies entà escambiar experiéncies e expertise ena prevencion e persecucion dera corrupcion.
- LEI 11/2016, de 28 de noveme, dera Generalitat, dera Agéncia de Prevencion e Luta contra era Fraudaria e era Corrupcion dera Comunitat Valenciana
- Lei 16/2016, de 9 de deseme, de creacion deth Burèu de Prevencion e Luta contra era Corrupcion enes Ilhes Balears
- Lei foral 7/2018, de 17 de mai, de creacion deth Burèu de Bones Practiques e Anticorrupcion dera Comunitat Foral de Navarra
- Lei 8/2015, de 7 d'agost, de reforma dera Lei 6/1985, de 24 de junh, de Conselh de Compdes, e deth tèxte refós dera Lei de regim financèr e pressupostari de Galícia, aprovat per Decrèt legislatiu 1/1999, de 7 d'octobre, entara prevencion dera corrupcion
- Lei 8/2018, de 14 de seteme, de Transparéncia, Bon Govèrn e Grops d'Interès (Astúrias)
- Lei 5/2017, de 1 de junh, d'Integritat e Etica Publica (Aragon)
- Mesura de govèrn entara creacion deth Burèu entara Transparéncia e es Bones Practiques (Barcelona)
- Reglament Organic deth Burèu Municipau contra era Fraudaria e era Corrupcion (Madrid)
- Lei 2/2021, de 18 de junh, de luta contra era fraudaria e era corrupcion en Andalosia e emparament dera persona en tot denonciar
