Eth 20 de deseme, eth director deth Burèu Antifrauda de Catalonha, Miguel Ángel Gimeno, a presentat es resultats deth Baromètre 2016 sobri Era corrupcion en Catalonha: percepcions e actituds ciutadanes. L’estudi arrecuelh donades sobri era percepcion dera corrupcion en Catalonha, sobri es nivèus de transparéncia e integritat enes Administracions Publiques catalanes e sobri actituds e comportaments dera ciutadania. Eth trabalh de camp se realizèc entre es dies 17 e 25 d’en octobre de 2016, mejançant telefonades telefoniques a 850 persones.
