Actuacion

Quan pòt actuar eth Burèu Antifrauda?

Eth Burèu Antifrauda pòt actuar ath dauant d’actes presumits de corrupcion, practiques de fraudoloses o conductes illegaus que tanhen as interèssi generaus o ara gesgion de hons publics.

Tanben pòt actuar deuant presomptives infraccions deth Dret dera Union Europèa e/o d’infraccions penaus e/o administratives grèus o fòrça grèus deth nòste ordenament juridic. Eth cas d’infraccions penaus, eth Burèu Antifrauda remanarà era denóncia a l’organisme corresponent.

Supausats a on non pòt cap actuar eth Burèu Antifrauda

Eth Burèu Antifrauda non a atribuïdes competéncies dehòra der airau territoriau de Catalonha.
Non ei competent entà intervier en casi de frauda tributària o mercantila, enes relacions societàries, que se dan entre enterpreses e particulars, on en ahèrs de naturalesa privada que deriven deth comèrç e deth consum.
Non pòt realizar foncions que corresponguen ara autoritat judiciau ne ath Ministèri Fiscau ne ara policia judiciau, ne pòt amiar actuacions de recèrca sus hèts que’n siguen ja objècte.

En quini sectors pòt actuar?

Eth Burèu Antifrauda pòt actuar enes airaus que seguissen:

Eth sector public de Catalonha:

Era Administracion der Generalitat, es sòns organismes, entitats restacades e enterpreses publiques que’n depenen.
Es entitats locaus: ajuntaments, deputacions provinciaus, conselhs comarcaus, entitats metropolitantes, mancomunitats de municipis, consòrcis e rèsta d’entitats e organismes publiques que’n depenen.
Eth Parlament de Catalonha en çò qu’ei dera sua activitat administrativa e dera gestion patrimoniau.
Es entitats estatutàries e es autoritats independentes.
Es universitats publiques es es sues entitas instrumentaus.
Es enterpreses publiques.
Es consòrcis.
Es fondacions, publiques o privades, a on participen organismes publics.
D’autes entitats instrumentaus, de dret public o privat, restacades as administracions catalanes que’n depenen.

Es enterpreses e entitats privades e es persones fisiques que gerissen servicis publics, executen òbres publiques o receben subvencions.

Eth supòsits de possibles infraccions d’entitats que hèsquen part deth sector privat, quan er incompliment o irregularitat denonciada se circumscrigui ath encastre territoriau de Catalonha.