Seguiment de recèrques

Per mejan dera activitat de seguiment, Antifrauda compròve s’es entitats objècte de recèrca apliquen es mesures que les an estat encargades.

Es actuacions de comprovacion compòrten tant era sollicitud d’informacion as autoritats o entitats concernides coma era valoracion dera sua responsa entà determinar s’es mesures adoptades son coerentes e sufisentes.

Er art. 13 f) des NARI (Normes d’actuacion e de regim interior deth Burèu Antifrauda de Catalonha) establís que correspon ara direccion de Prevencion proposar amelhoraments en procediments e practiques administratives entà garantir era transparéncia e redusir es oportunitats de frauda en compliment de çò que se preved en dusau incís der art. 1.2 LOAC (Lei deth Burèu Antinfrauda).

Es actuacions de recèrca permeten detectar e diagnosticar patrons de conductes e comportaments des entitats objècte de recèrca e des sues autoritats e foncionaris que possibiliten qu’Antifrauda hèsque propòstes d’amelhorament enes procediments e es practiques des entitats que conformen eth domeni subjectius d’actuacion. Aguestes propòstes pòden sorgir tant dera explotacion dera informacion e dera avaloracion des resultats obtenguts damb es actuacions de recèrca que se hèsque ena fase de seguiment, coma d’auti indicadors que resulten der exercici dera madeisha potestat indicativa per mejan dera assessoracion normativa.

Era fase de seguiment se pòt definir coma era anera que junh eth prètzhèt de recèrca e eth prètzhèt preventiu dera nòsta institucion. Era sinergia entre es dus prètzhèts tanben a de perméter retroalimentar eth Burèu madeish tant enes sues foncions de prevencion, en tot indicar airaus e factors de risc, coma ena sua foncion de recèrca, en tot prepausar actuacions de recèrca en determinadi airaus e en tot elaborar recomanacions, critèris e doctrina de caractèr generau que poguen èster emplegadi peth personau de recèrca enes sues actuacions.